BIZENTE GOIKOETXEA. MUSIKA AUKERAN

Bizente Goikoetxea

Aurrera doa Bizente Goikoetxea musikari aramaioarraren mendeurreneko egitaraua, eta aste honetan – larunbat 18- hitzordu berri bat daukagu Aramaioko elizan. Bertan kontzertu bat eskainiko du Araba Abesbatzak eta aldi berean CD berri bat aurkeztuko du, Goikoetxearen musikarekin osatua. 

Ekintza osoaren arduradun artistikoa Sabin Salaberri dugu, musikaren moldaketa eta grabaketarekin urtebete baino gehiago eman duena. Baina, Sabinek aitortu duenez, merezi izan du, oso kalitate handiko emaitza gertatu baita.

Araba Abesbatzak, beste koro batzuekin Gasteizko Abesbatza osaturik,parte hartu berri
du

Sabin Salaberri

Errenteriako Musikasten, Euskadiko Orkestrarekin.
Eta errepertorioan Goikoetxearen “Kyrie”(Meza Sol nagusian), “Tantum Ergo”, “Christus factus est”, “Karmengo Amari” eta “Beata Viscera”, sartu zituen talde arabarrak. Esan daiteke, maiatzaren 28ko kontzertu hartan Euskadiko Orkestra Arrasateko Unai Urretxo Zubillagaren zuzendaritzapean aritu zela.  Ekainaren 18ko emanaldian,berriz, Arabako Abesbatzari Gasteizko Kamerata musika taldeak lagunduko dio.

Araba Abesbatza

Larunbatean Aramaion  aurkeztuko den CDari dagokionez - "Missa in honorem Immac. Concep. B.M.V" tituluarekin- Goikoetxearen musika Sabin Salaberrik jarritako moldaketarekin entzun ahal izango da: Kyrie, Gloria, Credo, Sanctus, Benedictus eta Agnus Dei. Osagarri bezala agertzen dira Tantum ergo eta Ave Maria. Horrezaz gain, J. Valdesek organorako konposaturiko “Postcommunio”ren gain

CDren karatula

Salaberriren "Andante religioso"  ere entzungai daukagu euskarri digitalean.

CDren grabaketak Gasteizko Santa Maria katedralean egin dira.

BIZENTE GOIKOETXEARI BURUZ GEHIAGO

http://txemax3.blogspot.com.es/2016/04/bizente-goikoetxea-aramaioko-musikari.html

Argazkiak: JMVM, Araba Abesbatza