JULIO GALARTA, GASTEIZEN

Julio Galarta ezagututa, ziur nago Gasteizen bere koadroekin irekita daukan erakusketa edukitzen ari den arrakastaren aurrean ahalegin guztiak egingo zituela bere burua ezkutatzeko. Oso gizon herabe, apala genuen gure laguna eta beraren gaineko laudoriozko hitzak ekiditen zituen indar osoz.

Baina orain justizia egiten ari zaiolakoan nago. Maiatzetik Vital Kutxa Fundazioaren Aretoan lau hilabetez zabalik dagoen erakusketa marka guztiak txikitzen ari da. Milaka eta milaka pertsonak bisitatu dute Vital Kutxa Fundazioa eta Julio Galarta Pintorearen Lagunak Elkartearen artean prestatutakoa. Juliok berak inoiz amestuko ez zuen arrakasta lortu da eta horrek dimentsio berri batera jaso du pintore arrasatearraren arte ekarpena.

Kritikak hitz borobilak izan ditu Galartaren obrarako eta bisitariek biziki txalotu dute ikusitakoaren maila. Arrasatek emandako pintorerik nabarmenaren obra sartu da, beraz, aspalditik zegokion bikaintasunaren zirkuluan. Bakar-bakarrik Galartaren nortasun xumeak eragotzi zuen hil hauetan erdiesten ari dena arrasatearra bizirik zela lortzea. 

Oraindik bada aukera erakusketa ikusteko, urriak 4 bitartean irekita baitago, Gasteizko Foru Plazan. Gainera, irailaren 24an bisita gidatua izango da, nahi duten guztientzat.

Julio Galarta Pintorearen Lagunak Elkartearen web: 

http://galartaelkartea.wix.com/arrasate

Argazkiak: Omar Ulazia

PRENTSAN IRAKURRITA:

http://www.noticiasdealava.com/2015/09/08/ocio-y-cultura/cultura/cerca-de-40000-personas-han-visitado-ya-la-exposicion-de-julio-galarta-

http://www.diariovasco.com/alto-deba/201509/05/arregi-velez-mendizabal-guiaran-20150905000848-v.html

http://www.noticiasdegipuzkoa.com/2015/09/05/vecinos/debagoiena/jornadas-en-torno-a-la-muestra-de-julio-galarta

http://www.mondraberri.com/mondraberri/contenidos.item.action?id=6321038&menuId=6257548&onlypath=true

http://goiena.eus/arrasate/1442387370740

JULIO GALARTA, BIHARTIK GASTEIZEN

Galarta Bartzelonan, 1956an

Erakusketa berri bat inauguratuko du Julio Galartak bihar Gasteizen. Seguru nago Galartak berak inoiz amesturiko bere obraren erakusketarik erabakigarriena dela oraingo hau. Bizitza artistiko luze eta oparoan antolatutako berrogei baino gehiago aurkezpenetan Galartak bere maisutasuna erakutsi zuen. Gasteizko berri honekin, ordea, pintore arrasatearraren izena maila bat igoko da XX. mendeko euskal pintoreen artean eta zirkunstantzia horrek berezko merituz dagokion tokia irabazten lagunduko dio. 

Madrid, 1973

Julio Galarta Pintorearen Lagunak Elkarteak Vital Kutxa Fundazioaren eskutik antolatzen du erakusketa hau, eta oraingo honetan hirugarrena da 2011tik Galartaren obrarekin eratutakoak, aurreko biak Arrasaten eta oraingoa Arabako hiriburuan. Erakusketa honetarako editatutako katalogoan ikus daitekeen bezala, berrogei dira Galartaren erakusketetatik dokumentatu ahal izan ditugunak. Hona hemen,

 

URTEA	NON	ARETOA	ERA
1947	Bergara	Escuela Elemental de Trabajo y Profesional	Taldean
1955	Arrasate	Escuela de Viteri	“
1956	Arrasate	Escuela de Viteri	“
1956	Donostia	Circulo Cultural Guipuzcoano	“
1957	Arrasate	Escuela de Viteri	“
1957	Donostia	Salas Municipales de Arte	“
1959	Arrasate	Escuela de Viteri	“
1960	Eibar	Sociedad Recreativa Arrate	“
1966	Arrasate	Escuela de Viteri	“
1966	Donostia	Salas Municipales de Arte	Bakarka
1970	Bergara	Torre de Zabalotegi	Taldean
1970	Donostia	Salas Municipales de Arte	Bakarka
1972	Bergara	Udaletxea / Ayuntamiento	Taldean
1973	Bilbao	Isalo Arte	Bakarka
1973	Madrid	Gavar	Taldean
1973	Madrid	Gavar	Bakarka
1973	Vitoria-Gasteiz	Luis de Ajuria	“
1974	Madrid	Gavar	Taldean
1975	Madrid	Gavar	“
1976	Donostia	Galería Echeberría	“
1976	Aretxabaleta	Caja Laboral. Arte Aretoa	“
1976	Donostia	Caja de Ahorros Municipal S.S Sala de Cultura	Bakarka
1977	Donostia	Caja de Ahorros Provincial de Gipuzkoa	Taldean
1977	Donostia	Expo Galería de Arte	Bakarka
1979	Vitoria-Gasteiz	Artelarre Galería de Arte	“
1981	Donostia	Galería Echeberría	“
1985	Zarautz	Kayua Galeria de Arte	Bakarka
1986	Bilbao	Caledonia Galeria de Arte	Taldean
1985	Donostia	Galería Echeberría	Bakarka
1987	Vitoria-Gasteiz	Casa del Cordón	“
1988	Bilbao	Caledonia Galeria de Arte	“
1989	Oñati	Etxe Aundi	“
1989	Vitoria-Gasteiz	Fundación Arabako Kutxa. Sala de Exposiciones	“
1991	Donostia	Salas Exposiciones Kutxa	“
1992	Arrasate	Harresi Aretoa	“
1994	Donostia	Galería San Juan	“
1995	Zarautz	Kayua Galeria Arte	“
1997	Zarautz	Kayua Galeria Arte	“
1998	Zarautz	Kayua Galeria Arte	“
1999	Lizarra/Estella	Banco Atántico Sala de Exposiciones	“

Elkarteak prestautakoak, berriz, honakoak:

2011	Arrasate	Kulturate	Katalogoa
2013	Arrasate	Arregi Arte
2015	Vitoria-Gasteiz	Fundación Vital Kutxa Fundazioa	Katalogoa

 

Bihartik urriaren 4ra arte, Gasteizen. Gonbidapena.

Bihar, maiatzak 28, da, beraz, lau hilabetez zabalik egongo den erakusketaren inaugurazio eguna da eta interesatu guztiak hurbil daitezke, ondoko txartel hori teléfono mugikorrera jaitsita edo paperean inprimatuta eramanda.

Argazkiak: JGPLE-renak dira 

http://www.fentmuntanyaiformacio.es