LORD BLAYNEY INGELESA ARRASATEN. 1811

 

Lord Blayney

Zenbatu ezinak ditugu Arrasatetik historian zehar igaro diren pertsonaiak, gero euren oroit idazkietan gure herriaren berri eman dutenak. Duela gutxi, 1811an Arrasate ezagutu zuen ingeles batekin egin nuen topo, hain zuzen berak idatzitako liburu baten bitartez. “Narrative of a forced journey through Spain and France, a prisoner of war, in the years 1810 to 1814” da liburua eta egilea Major General Lord Blayney da. Preso eraman zuten Blayney jauna gure lurraldetik.

Liburuaren XXIV. kapituluan irakur daiteke “From Burgos to Mondragón” Eta idazkian sartuta, Arrasateri dagokion tartetxoan hasten da esaten Gasteiztik 1811ko urtarrilaren 14an atera zirela, goizeko 5etan, eta “the arrival of daylight presented us with the view of a country very different from that which we had hithherto traversed” Beraz, ordura arteko paisaia guztiz aldatu zen Lord Blayneyren ustez. Eta, garbi, ingelesa ez zegoen oker. Pentsatzekoa da komitibak Gasteiz, Uribarri Ganboa, Leintz Gatzaga, Arrasate ibilbidea egin zuela, antzinako errege bidean zehar. Itzuli dut ingelesetik:

“Bizkaiko mendiak zuhaitzez beteta agertu ziren gailurretan, eta aran emankorrek, baita denboraldi beldurgarri honetan ere, eszenatoki erromantikoena aurkezten zuten, industriaren agerpenak atseginago egiten zuena.

Lurzorua, oro har, buztin zurruna zen, drainatze asko behar zituena, eta oso gutxitan erabil daiteke goldea; horren ordez, lurra aurrez bustitako hiru hortz luzerekin jorratzen da. Lau gizon, esku bakoitzean tresna horietako bat dutela, drainatzearen ondoan jartzen dira, eta lurrean sardexka itsasten dute, gainean altxatzen dira, denbora zehatzari eutsiz, eta emakume batek zuloa garbitzen du. Hainbat motatako bizien (1) eta arbien eremu zabalak ikusi ditut hemen, ez oso zabalak, baina gure Norfolkeko arbi soroak baino sendoagoak. Espainiako soroetan landutako sustrai hau ikusten dudan lehen aldia da”

Aurrera baino lehen, aurkez dezadan aurreko eta geroko lerroaldeen

egilea. Andrew Thomas Blayney,  Lord Blayney – Managhaneko baroia- 1770ean jaio zen eta Espainiara aldatu zen 1810ean frantziarrei gerra egitera, Infanteriako 89. Errejimenduaren buru bezala. Malaga aldean atxilotu zuten frantziarrek eta Frantziara eraman zuten bidai luze batean. Eman diezaiodan hitza Blayneyri:

“Sarritan, mandoekin gurutzatzen gara, alde banatara jarritako saski sendoak daramatzatenak. Ingalaterran ostrak garraiatzen direnen moduko saskiak dira; begiratu nuen eta ikusi nuen zaldi-zapatak – ferrak- eramaten zituztela, neurri handi batean Bizkaiko alde honetan egiten direnak, eta Espainiako alde guztietara bidaltzen dira. Hemen ohikoa da idiak ferratzea, eta horrela egiten da. Gure ferratzaileek zaldien isatsak mozten dituzten egur egituraren antzeko tokian jartzen da animalia: erdian palanka bat da, eta haren ondorioz, eta tornu baten laguntzaz idia lurretik altxatzen da, aurreko belaunak tolestu egiten dira, eta, hala, burdinazko itxituretatik mantendu egiten dira; atzeko oinak ohol batean zabaltzen dira ferra ipintzeko, eta isatsa markoaren goi aldera lotzen da; beraz, animaliak, oro har, itxura arraroa hartzen du, hegan egingo balu bezala”

Suposatzen da Araba aldeko deskribapena egin duela Lord Blayneyk aurrekoan. Batez ere arbiak eta biziak aipatzen dituenean, horietako solo zabalak ikus baitzitezkeen garai hartan Gasteiz eta Uribarri Ganboaren arteko ibilbidean. Laiari dagokionez –  horixe uste baitut azaltzen ari dela lurra jorratzeko tresna dela eta- hiru hortzetakoak ez baizik bikoak izan ohi ziren. Eta, ferratuak izateko idiek hartzen duten egokierari erreparatuz, badirudi militar ingelesak herri jakintzaren“ idi hegalarien” esanari buruz ezer gutxi zekienik. Baina goazen aurrera eta sar gaitezen Gipuzkoara:

“Muino baten gailurretik Leintz Gatzaga herrixkako lehen ikuspegia izan genuen, eta bertan gosaldu genuen; gure azpian perpendikularki jaitsi behar genuela zirudien, eta ez zen ikusten beheratzeko biderik; hala ere, zig-zageko bidexka bat aurkitu genuen, Santa Elena uharteko Ladder Hill gogoratu zidana, desberdintasun batekin, harri idor beltz antzuak besterik ez dagoela, eta Ozeanoaren ikuspegi mugagabea erakutsi beharrean hemen, aldiz, zur lodi baten bidez jaisten da, eta zuhaitzen arteko ur-jauzi baten erorketa entzun ondoren.

Leintz Gatzagan sartu ginenean, preso egondako soldadu frantses batek karitatea eskatu zuen, bere sufrimendu eta zaurien historia tamalgarria kontatuz; moneta bat eman nion (hamalau penikeko zilarrezko txanpon bat) eta eserita nengoela gosaritan, harrituta utzi ninduen hura gelara sartzen ikusteak; aulki bat hartu zuen eta mahaian eseri zen, ahalik eta axolagabetasun handienarekin; aldiz, nire dohaintza txikiarekin gosari oparoa erosi zuen, eta nirekin hitz egiten hasi zen, familiartasunez. Hemen egiaztatu nuen atzerritarren moduez ezagutza handiagoa lortzen ari nintzela, Espainian zeharreko bidai gazi gozo honetan, nire bizitza osoan zehar ohiko moduan bidaiatzean baino; izan ere, orain behartuta nengoen pertsonen deskribapen guztiak biltzera, jeneraletatik soldadu xumeetara, eta espainiarrekin, frantsesekin, poloniarrekin, eta Rhineko Konfederazioak bildutako era guztietako alemanen azalpena aintzakotzat hartuz”

Badirudi Lord Blayneyk frantziar, poloniar eta alemaniarrekin hitz egin zezakeela… baina Leintz Gatzagaren gainean ezer jakiteko ez bide zion bertako inori ezer galdetu. Eta ez dakit zein zig-zageko bidexkari buruz ari den, mendetan eta batez ere zalgurdietan joanez gero bide bakar bat izan da Leintz Gatzagatik igarotzen zena. Eta handik Arrasatera:

“Gatzagatik Arrasaterainoko distantzia lau legoa besterik ez da, beherakada azkar baten buruan; beraz, azken leku horretara samur iritsi gara. Nik zortea izan nuen, berriz ere apaiz baten etxera sartu baininduten. Hala ere, oso zaila gertatu zitzaidan niretzat eta mandoentzat jan-errazioak lortzea, “feuille de route” bat ez eramateagatik (nire izena presoen zerrenda orokorrean bakarrik dago) aurreko konboiko buru zen ofizialarekin geratu zena.

Baina, azkenean, arrakasta izan nuen, eta afaldu ondoren, gaua sukaldean eman nuen. Han, zenbait neska elkartu ziren, eta iruten zuten bitartean, giroa alaitzen zuten espainiar abestitxoak kantatuz, eta horrek abeslarien xalotasuna eta sinpletasuna mirestera eraman ninduen. Esan zidaten neska batek aisialdian bakarrik lan eginez irabaz zezakeela, eta denbora-pasa gisa, astean hiru erreal, Ingalaterrako hogeita bat penike inguru.

Mandoak zaintzen zituen frantziar soldadua agertzeaz bat Espainiako nesken poza ilundu egin zen, eta isiltasun beruna piztu zen. Aurki ikusi nuen horren arrazoia, eta soldadua joan zenean umore ona berrezarri zen.

Hiru mila biztanle inguru ditu Arrasatek; bi muino goraturen artean eraikitzen da, eta ibai handi batek eta zenbait errekastok elkar ebakitzen dute. Lehen askoz jende gehiago etortzen zen herri honetara, bertako ur mineralak direla eta. Gu iritsi baino egun batzuk lehenago, alkatea eta bere semea exekutatu zituzten, zenbait alditan berrehun frantziar baino gehiago hil zituztelako (esan zitzaigunez)

Exekuziora eraman zituztenean, hildakoengandik edozein sentimendu on erakutsi ordez, laudatu egin zuten euren egina, eta beren herrikideei gogorarazi zieten “espainiar bakoitzak, haiek bezala, “bere betebeharra” bete izan balu, frantsesen amaiera adieraziko zuen eta herrialdea askea izango zen uste baino askoz lehenago”

Horrela amaitzen da Lord Blayneyk Arrasateri eskainitako tartetxoa. Gau bakar bat eman zuen, beraz, Arrasaten, eta apaiz baten etxean, neska gazte kantarik inguratuta. Hori zortea! Ez dakidana da enteratu ote zen zein hizkuntzatan abesten zuten neska haiek, XIX. mendearen hastapen haietan euskara biziagoa zegoen arrasatearren ezpainetan gaztelera baino. Dena den, alkateak eta bere semeak berrehun frantziar hil zituztelako exekutatu zituztela adieraztea – eskerrak, “esan zitzaigunez” jartzen duela- gehiegikeria da, nik dakidanez inoiz ez zuten frantziarrek inongo alkate eta bere semea fusilatu. Gehien hurbiltzen den gertaera, nik dakidanez, aspaldi deskribatu nuen “Hots begi danbolinak” blogean (2)

Urtarrilaren 15ean, goizean goiz, aurrera jarraitu zuen Lord Blayney preso ingelesak. Okertzeko beldurrik gabe esan daiteke, Blayney Arrasatetik igaro zela baina Arrasate ez zela major jeneral harengandik igaro. 1834an hil zen Lord militarra Ingalaterrako bere jauregian. Bego, dena den, deskribapena, urruneko testigantza bat bezala.

    (1)    Bizi: arveja / algarroba    

    (2)    En otra ocasión fusiló una noche a don Vicente Leaniz Barrutia, de Aramayona, que según el apellido debió de ser de la antigua y distinguida casa de Guraya, después de haber recibido doce onzas de oro por su rescate, y solo porque oyó que un hijo de éste preso también en Vitoria, se dejó decir que cuando saliera de la cárcel mataría a Cavaillé. El dinero no quiso devolverlo, diciendo que lo retenía como favor hecho en no colgarlo después de muerto, como a otros muchos. Ante tanto espectáculo de horror, el pueblo quiso abandonar sus hogares, pero el Conde lo contuvo con paternal solicitud”

GERRA DIPUTAZIOA ARRASATEN. 1794. Konbentzioko Gerra.

 

Orain baino lehen ere idatzi dut 1792-1795 bitarteko Konbentzioko Gerra deiturikoari buruz. Herriko bi komenturekin lotutako istorioak ziren. Gaurkoan, berriz, Arrasaten egon zen Gerrako Diputazioa ekarri nahi dut gogora, 1794an gure herrian egon zena. Eta ahotsa – edo apunte idatziak- Miguel Madinabeitiari emango dizkiot, bera izan baitzen ondoko datuak eskaini zituena. Labur baina modu argian azaltzen du zein izan zen frantziar tropak Gipuzkoara sartzearen ondorioa. “La Voz de Guipúzcoa”ren 1892ko otsailaren 6ko edizioan, Miguel Madinabeitiari artikulu polit bat argitaratu zioten, lehen orrialdean, “Mondragón y Salinas” tituluarekin.  Frantziar Konbentzioko garaiari zegokion, gutxi gora behera ehun bat urte lehenago Arrasaten eta Leintz Gatzagan jazotakoa gogoratu nahian.

“Un personaje político de la pasada situación, visitando este archivo municipal de mi cargo la tarde del 29 de junio último, me preguntaba: “¿Y dónde se celebraron las famosas Juntas del año 94? “ “Ahí, en ese salón mismo por donde V. ha penetrado en este recinto” le contesté. Y viendo excitada su curiosidad, le añadí que, siendo el hecho de que me hablaba un acontecimiento histórico notable, apenas se tenía noticia de él en este pueblo, y que más de una vez había yo dudado del hecho en vista del mutismo de los publicistas, hasta que el Sr. Soraluce desvaneció mis dudas con la publicación de su Historia General de Guipúzcoa”

Nikolas Soraluzeren 1870eko liburuei buruz ari da Madinabeitia. Badirudi Arrasateko udal idazkariaz geroztik iratzarri egin zela historialarien kontzientzia eta egia da nahikotxo idatzi dela 1794ko irailaren hasieran Arrasaten gertatu zenaz. Bada historia zale arrasatear bat – Justo Jauregi-Arraburu apaiza- herriko artxiboak arakatu zituena, eta datu-kronologia interesgarria prestatu zuen. Baina jarrai dezagun orain Madinabeitiarekin:

“Rota la línea de Vera por el ejército francés de la República, o sea de la Convención; perdidos Irún y Fuenterrabía, y capitulado San Sebastián, se trasladó por mar a Guetaria la Diputación de la provincia, representada en la persona de D. José Fernando de Echabe y Romero, y de D. Bernabé Antonio de Egaña, secretario.

Tengo a la vista las comunicaciones que con fecha 2, 4, 9, 12, 14, 16, 17 y 22 de Agosto de 1794 dirigió dicha Diputación al alcalde de este pueblo, ya llamándole para conferenciar con el que decía ser representante del pueblo francés, ya también para que asistiera a la Asamblea que tenía convocada para las ocho de la mañana del día 25, conminando, de parte de aquél, con llevarlo todo a sangre y fuego en caso contrario. Esta Asamblea no tuvo efecto por haber sido reducidos  a prisión al siguiente día 26 los que debían celebrarla, y conducidos al castillo de Bayona, desde donde no volvieron algunos hasta la Paz de Basilea, que se estipuló en 22 de julio de 1795”

Arrasateko udal agintariak – orduan ere, normala den bezala- zatituta zeuden. Batzuk frantziarren alde ageri ziren, giro liberalagoa ekarriko zutelakoan; eta baziren, noski, status quo-ren ordenari eusten ziotenak ere.

“Mondragón, que con fecha 16 de agosto recibiera desde San Ildefonso una comunicación del duque de la Alcudia (1), excitando su patriotismo a nombre del monarca para que no transigiera con el invasor, se abstuvo de concurrir al llamamiento, porque creí así servir a Dios, al rey y a la patria (entonces se anteponía el rey a la patria) y reunió sus Juntas extraordinarias. ¿Cuándo? Dos días después que en la importante villa de Eibar fueron incendiadas 116 casas por el intruso francés”

Abuztuaren 29an gertatzen zen Eibarreko triskantza hura, San Juan Degolladoren eguna, hain zuzen, eta Arrasate herria artean frantziarren hatzaparretatik libre egotea San Juan Bataiatzailea zaindariaren bitartekotzarengatik izan zela pentsatu zuten, eta eskerronez elizkizun berezia ospatu zen. Baina egin dezagun aurrera Madinabeitiaren idazkiarekin:

“Dieciocho pueblos de la alta Guipúzcoa no invadidos aún por el extranjero se congregaron en esta villa, donde tuvieron sus sesiones desde el 1 al 11 de septiembre, presididas por su alcalde D. Juan Antonio de Cénica y Vitoria, haciendo de secretario en las dos primeras sesiones el notario de la villa D. José María de Echaguibel y Orbe, que luego fue reemplazado por D. Mateo de Heriz, abogado de los reales Consejos (2) 

“Fue elegida la Diputación a guerra compuesta de los señores conde de Villafranca de Gaytan (3), D. Martín José de Murua, y D. Ramón de Gastañaduy;  y en las Juntas 6ª y 9ª fueron presentándose mozos armados de Astigarreta y Lizarra, poniéndose al servicio de la causa que la Diputación representaba. No hay que decir que las medidas que se adoptaron fueron las administrativo-económicas para el sostenimiento de la guerra, siendo invitadas a coadyuvar en la misma patriótica empresa las provincias de Vizcaya y Alava, con intervención de los generales conde de Colomera y D. Bernabé de Tortosa.

Para el 30 de noviembre del 94 la Diputación se había trasladado a Vitoria, bajando al mes siguiente a Salinas, en donde permaneció hasta la entrada del francés en Mondragón, que lo efectuó en la mañana del 16 de julio de 1795. Ya el 10 de agosto, la que residía en San Sebastián convocó a sus pueblos a Junta en Cestona para el 18 del mismo mes, y sabedor de ello el señor Conde de Monterrón, que se hallaba en Briviesca con el delegado regio D. Miguel de Mendinueta, dirigió cuatro oficios para circularlos rápidamente con peatones ágiles de este pueblo a los diez y ocho confederados, en que se negaba la legitimidad de la convocatoria, puesto que el rey no reconocía otra Diputación que la nombrada en Mondragón los primeros días de Septiembre de 1794, y reelegida por tiempo determinado en las Juntas de Salinas de Julio último.

Cada alcalde debía suscribir al pie del oficio el atestado de quedar conforme etc. y devolverlo al propio conductor. Tengo a la mano aquellos cuatro oficios que se corrieron todos en un mismo día, que fue el 16 de agosto, a excepción de Cestona y Deva, que aparecen fechados el día 17”

Aretxabaletako ordezkariaren erantzun formulari eskaini dio Madinabeitiak toki gehiago, eta bere idazkiaren amaieran arrazoitzen du zergatia.

“Hago constar este atestado por ser el único que se diferencia de los demás, y por rendir a la vez una prueba de mi inquebrantable cariño al nieto del firmado, D. José de Otálora, que me hizo subir a su casa-palacio para manifestarme el retrato al óleo de cuerpo entero de su ilustre abuelo, exactamente el día en que cumplían los ochenta y seis años desde que tan esclarecido patricio hubo firmado el papel a que he hecho referencia”

Frantziar soldaduak 1795eko abuztuaren 30ean joan ziren Arrasatetik. Ordurako Frantzia Errepublika eta Espainiako Carlos IV.aren arteko Basileako Ituna sinatua zegoen -1795eko uztailaren 22. Hego Euskal Herrirako oso txarra gertatu zen abentura hori. Baina, bake tartetxo baten ondoren, aurki itzuliko ziren frantziarrak, beste aitzaki berri batekin. Denbora gehiago egingo zuten gure herrian. Hori guztia euskal sentimendua ereiten ari zen gure gizartean. Eta  karlistak agertu ziren...

Argazkiak: JMVM

---

(1) Manuel Godoy, Carlos IV.ren balidoa.

(2) Aramaion bizi zen

 (3) Manuel María Gaytan de Ayala Andoin, Arrasateko Artazubiaga Txikien jauregian jaioa eta bertan bizi zena.

MONTERRONGO KONDEAREN ERAILKETAREN HARIRA. 1816

Asko idatzi da 1816an Arrasaten izan zen erailketari buruz: alkatea zendu zuten. Santiago Elias Aranguren Alava, Monterrongo Kondea, 1816ko azaroaren 17an tirokatu zuten Zarugaldeko Atearen inguruetan eta zaurien ondorioz hil egin zen. Hiru pertsona atxilotu zituzten – Karlos Antonio Elkano, Ignazio Uribesalgo eta Santiago Nuarbe- eta luze izan zen prozesua hiruen kontra, baina hiruak aske geratu ziren hilketa egileak zirenik ezin izan baitzen frogatu. 

Ez noa gertaera hura nola izan zen azaltzera. Baina horren harira Miguel Madinabeitiak 1886ko azaroaren 29an idatzi zuen “El Noticiero Bilbaíno” egunkariaren literatura orrian eta zehazkizun batzuk interesgarriak dira, erailketaren testuingurua ulertzeko. 

“Hoy cumplen setenta años, aunque el domingo del Patrocinio de 1816 cayó a 17 de noviembre, en que una bala de fusil asestada por mano alevosa cortó la vida de D. Elías de Aranguren, Conde de Monterrón, alcalde a la sazón de esta villa, al tiempo que se retiraba a su casa en una noche oscura y lluviosa. Fue víctima de la rectitud e integridad de carácter de que tantas pruebas había dado antes y durante la dominación francesa, por cuya razón el pueblo le idolatraba, porque había sido su amparo en días aciagos. En las pocas horas que sobrevivió a su herida pudo persuadirse, e indudablemente llevaría el triste consuelo de que el número de sus enemigos en Mondragón acaso no llegarían a tres.

Esta verdad se comprueba del proceso que duró cerca de siete años y consta de tres volúmenes que suman 1.108 folios. Como presuntos autores o cómplices del crimen estuvieron presos en la cárcel de esta villa dos vecinos de la misma, desde la comisión del delito hasta el 2 de junio de 1822, en que se les notificó la libertad. 

El uno de ellos perdió completamente la vista durante la prisión y al otro alcancé yo a conocerle ya viejo. Omito los nombres de ambos y el mote bien conocido del uno por razones fáciles de comprender. Quizá no guste el que haya evocado un recuerdo que no tiene nada de grato; pero es por eso mismo que no he hecho apreciación ninguna que pueda herir la susceptibilidad de nadie. Por decir que hoy hace setenta años que el Conde de Monterrón fue asesinado, porque era amigo de que las cosas marchasen rectas, creo que ninguno debe darse por ofendido. Y como yo juzgo a los hombres por sus hechos, y los hechos del Conde de Monterrón me han dado convencimiento de que era una de las personas más ilustradas de su tiempo en el país, voy a dedicar dos renglones a su memoria.

Estallada la invasión francesa en 1808, en cuya época le tocó también ser alcalde; convertida la villa en plaza de armas y sus tres conventos en cuarteles y hospitales, y en almacenes de víveres y forrajes sus iglesias, menos la parroquial, y una infinidad de hornos que improvisaron, debía necesariamente que tener Mondragón todos los atributos de una capital. Y en estas condiciones no hay que poner en duda el importante papel que un alcalde, quiera o no, tenía que jugar. Y gracias, cuando la

suerte le deparó el tratar con jefes superiores como Thouvenot y el Conde de Erlon, hombres ilustrados y de ideas generosas, puesto que el primero, aun en medio de la guerra extranjera, se ocupó de introducir reformas administrativas, entre ellas la prohibición de enterrar en las iglesias, y el segundo creó una guardia cívica compuesta de particulares y artesanos honrados, haciendo que turnasen en los cargos públicos los cabezas de las principales familias del Valle de Léniz que habían emigrado a esta villa. Y formaron parte en todos los ayuntamientos que se sucedieron, designados entonces con el grave nombre de Consejo municipal. 

Pero en cambio hubo un comandante de armas apellidado Cavaillé que no se parecía a los otros en sentimientos de humanidad. Fueron muchos los actos de crueldad de que dio pruebas, pero por no alargar este relato me ceñiré tan solamente a algunos casos.

Un día fusiló a dos infelices que había hecho venir de Elorrio y sus cuerpos fueron colgados en las avenidas del camino real hacia Vergara y hacia Arechavaleta, o lo que es lo mismo, los colgó de los árboles de Legargain y Bedoñabe. Otro día exigió al alcalde que colocase una horca con su escalera en la plaza y una cruz con tres garfios en el punto más público del camino real a la salida del pueblo. El Conde se negó resueltamente a esta exigencia, diciéndole que no solamente no había oficiales que se presentasen a colocarlas, pero ni aún a trabajarla con el mayor secreto en su casa. La Diputación misma que funcionaba desde San Sebastián decía al comandante de armas con fecha 22 de setiembre de 1808 lo siguiente: 

“El rey tiene mandado que mis pueblos y sus justicias hayan de recibir las órdenes por mi medio; y no habiéndoseme comunicado instrucción real para colocar en ésa la horca con su escalera, no debo consentir en que ese señor alcalde acceda a semejante solicitud; y si, no obstante esta esencial falta de real orden, insistiese usted en su empeño, recaerá sobre Vd. todas las responsabilidades y resultas que hubiese en el país”

En otra ocasión fusiló una noche a don Vicente Leaniz Barrutia, de Aramayona, que según el apellido debió de ser de la antigua y distinguida casa de Guraya, después de haber recibido doce onzas de oro por su rescate, y solo porque oyó que un hijo de éste preso también en Vitoria, se dejó decir que cuando saliera de la cárcel mataría a Cavaillé. El dinero no quiso devolverlo, diciendo que lo retenía como favor hecho en no colgarlo después de muerto, como a otros muchos. Ante tanto espectáculo de horror, el pueblo quiso abandonar sus hogares, pero el Conde lo contuvo con paternal solicitud” 

Baina are interesgarriagoa gertatu zitzaidan Madinabeitiaren idazkia hurrengo lerroetan. Karlos Antonio Elkano aipatuko digu eta goian esan dudan bezala, pertsonaia hori lehen susmagarria izan zen, alkatearekin zituen dibergentziak zirela eta. Bergaran irekitako prozesu luzeko xehetasunak ezagunak dira eta horregatik dakigu Elkanok errefusatu egin zuela tribunala, Korreoetako funtzionarioa zela argudiatuz. Eta, beraz, aske utzi zuten.  

  

Karlos Antonio Elkano ez zen edozein herri mailan, eta kontzejuko kideen artean egon zen zenbait alditan. Areago, alkatetzarako proposatu zuten 1812an, hain zuzen Elias Aranguren kondea ordezkatzeko, baina frantsesek eragotzi egin zioten. Ez bide zuten oso gustukoa.

 

Miguel Madinabeitiak, bestalde, herriko udal kontuak ondo ezagutzen zituen, eta azalpen garbia eskaintzen du ondoren, frantziarrek Arrasaten utzitako zorra eta diru kutxa hutsaz. Eta Elkanoren nortasuna goraipatzen du: 

“Si alguna vez llega para mí el día en que pueda comer un pedazo de pan con independencia, ese día lo consagraré a formar una relación minuciosa de lo mucho que Mondragón sufrió durante la dominación francesa, y al propio tiempo tendré el gusto de preguntar si hubo en la provincia un asentista y un hombre tan viril como don Carlos Antonio de Elcano, que solo un día adquirió el compromiso de aprontar 18.000 raciones de forraje de todos géneros y 60.000 raciones de pan, vino, carne, leña, sal y legumbre. Por supuesto que no había un cuarto con que pagarle y tuvo que recoger toda la plata de las iglesias y conventos de Guipúzcoa, menos de su pueblo nativo, que ascendió a 768 ½ libras de a 17 onzas, que con 2 ½ onzas de oro en alhajas importó la suma de 206.173 reales. Y deducidos los gastos de su negociación en Bayona por el mismo Elcano, 203.211 reales líquidos.

El resultado de todo esto fue que Mondragón quedó con una enorme deuda flotante, aun después de deshacerse de sus propios, que produjeron pasado de medio millón de reales. Se nombró una comisión para liquidar cuentas y gestionar el cobro de esa deuda que vuelta al revés quiere decir, crédito contra el Estado. Pero los comisionados de pasar tres meses en París volvieron a Mondragón con esperanzas buenas en la eternidad” 

 

Apropos azpimarratu dut aurreko lerroaldearen hasiera. Badirudi Madinabetiak frenoa jarri zuela idazten jartzean. Noski, udal idazkaria zen eta ezin zuen gardentasun osoarekin jardun, gainera errietaren edo zigorrren baten zama eroriko ez bazitzaion.

Deigarria da, ordea, Jose Angel Barrutiabengoa eta beste ikerlari batzuek osatutako "'Mondragón durante la ocupación francesa 1807-1813" lan argitaragabean Elkanori egozten zaiola udal zorraren arrazoia. Baina, Napoleon Bonaparteri eskainitako Barrutiabengoaren beste ikerketa batean, ez du ematen Karlos Antonio Elkano hain desbideratu ibili zenik. 

 

 

Edozein modutan, "betierekotasunaren itxaropenean" itzuli bide ziren, udal zor haren negozioetarako Frantziako hiribururaino hurbildu ziren arrasatearrak. Zenbat diru galdu zuen - galdu bazuen- Elkanok operazio hartan? Zer ikusirik izango al zuen horrek kondearen erailketan? Sekula ez da jakingo.

Argazkiak: JMVM 

ARRASATEKO FRANTZISKOTARRAK KALTETUTA KONBENTZINOKO GERRAN

Bigarren aldiz agertuko zaigu txoko honetan XVIII. mendeko arkitekto ospetsu bat, itxura denez Arrasate ongi ezagutu zuena. Gasteizko Justo Olagibeli nagokio, Kontzezinoko komentuaren berriztapenean esku hartu zuena 1795ean, eta gaurko ekarpen honetan ikusiko dugun bezala, urtebete geroago gure herrira itzuli behar izan zuen, bigarren aukera horretan frantziskotarren komentura, alegia. Baina, goazen hastapenetara.

XVIII.aren amaieran Euskal Herriak gordin pairatu zuen Espainia eta Frantziaren arteko gerra, Konbentzinoko Gerra bezala ezagutua, 1793-75 bitartean. Arrasaten ezarri zen Gipuzkoako Diputazioaren Gerrako egoitza eta 1794ko irailean espainiar tropak Arrasatera heldu ziren, frantziarren aurreratzea eragotziko zuen frontea jartzera. Eta denboraldi batez hemen eduki zuten euren kuartela. Non eta San Frantzisko komentuan. Gerra guztietan bezala, ondorioak denetarikoak izan ziren eta alboko kalteak ugari. Espainiarrek alde egin zutenean frantziarrak iritsi ziren 1795eko uztailaren 16an eta Arrasaten egon ziren abuztuaren 30era arte. Denera, 46 egun. Gabatxoak herritik desagertzean  frantziskotarrak kalteen inbentarioa egiten jarri ziren. Baita diru laguntza eskatzeko txostena idatzi ere. Eta, hain zuzen, azken horretatik atera ditut gaurko datu gehienak.

Ramon de Aranguren San Frantzisko Komentuko nagusiak, 1795eko abenduaren 2an honakoa idatzi zion espainiar armadako intendenteari,

“… puesto a los pies de V.S, con el debido respeto dice: que a principios de septiembre del año último de mil setecientos noventa y cuatro, por mandato del General de la División de Guipúzcoa, cedió el Convento a la más mínima indicación a las tropas de S.M, y se ocupó de cuartel dicho Convento hasta mediados de julio de noventa y cinco, derribando las obras acomodadas de los dormitorios y otras oficinas, cuya reposición es de coste excesivo a las facultades de unos frailes mendicantes, y que se han empeñado sobre manera aun para las precisas obras que han hecho para volver a habitar su convento. Por lo que suplica a V.S, se digne mandar pagar los perjuicios que han padecido conforme a la tasación hecha por los peritos”

Eta hementxe sartzen da eszenan Olagibel arkitektoa, izan ere Errege-Ogasunak izendatua, Arrasatera etorri zen frantziskotarren eskabidea bertatik bertara aztertzera. “Dn. Justo Antonio de Olaguibel, Profesor de Arquitectura, premiado en la primera Clase de ella, por la Real Academia de San Fernando de la Villa y Corte de Madrid” Gasteizen bizi zen Olagibel. Horrekin batera, Arrasateko frantziskotarrek aukeratutako Juan Agustin Etxeberria arkitekturako irakaslea ere aritu zen kalteen konponketa baloratzen, “para reconocer, medir y tasar las obras derribadas, y demás daños y perjuicios causados en el convento, para volverlo a reedificar, dejándolo en el estado que antes tenía…”

Ondoan doa bi arkitektoek 1796ko urtarrilaren 22an egindako txosteneko balorazioa, eta guztira 16.007 kobrezko errealetan kalkulatu zen konponketa. 

Horren ondorioz, martxoaren 11an eskabide formala egin zuen diru kopuru hori Errege-Ogasunetik eskuratu ahal izateko. Espainiako armadako intendenteak ontzat eman zuen bi arkitektoen txostena eta bere aldetik frantziskotarren aldeko eskaria sinatu zuen:

“…el convento ha padecido los daños que representa en la demolición de los tabiques para el mejor acomodo de la tropa por disposición del Marqués de Rubí, que entonces mandaba las tropas de Guipúzcoa, y después por el mal uso que hicieron así los nuestros como los franceses. Los primeros se les debe resarcir por la Real Hacienda, porque intervino la disposición de aquel General; y los segundos también es justo su abono; pero que no pudiéndose averiguar con distinción los que causaron unos y otros para repartir, espera de la benignidad de V.S concederles los 16.007 reales de vellón”

Azkenik, urte hartako ekainaren 14an, errege dekretu batek Arrasateko frantziskotarren aldeko laguntza aldarrikatu zuen: 12.000 kobrezko erreal. Honela zioen dekretuak:

“Enterado S.M de todo, y resultando ser cierto lo le proponen estos religiosos, se ha servido mandar que se les dé doce mil reales en resarcimiento de los daños que han padecido”

Erregearen izenean  Diego Gardoki bilbotarrak izenpetzen zuen aldarrikapena. Diodan Espainiako Ogasunaren buru nagusia zela Gardoki. 

Hurrengo batean ikusiko dugu, Kontzezinoko mojei antzerakoa gertatu bide zitzaiela. Eta ostera agertuko zaigu Olagibel arkitektoa.

Argazkiak: JMVM

 OLAGIBEL ETA ARRASATERI BURUZ GEHIAGO:

https://txemax3.blogspot.com/2017/10/arrasateko-kontzezinoa-iriztua-eta.html