Arrasateko Elkarrekiko Sorospen Elkarteak izan ditugu lehen ere mintzagai, langileen aldeko erakunde txiki baina eragingarri haien nondik norakoak azalduz. XX. mendearen lehen herenean baziren gure herrian haietako lau bazkun, bazkideen kuotekin ari zirenak. Batez ere, beharginen gaixoaldietako laguntzak arautzen zituzten elkarte haiek eta, esango nuke, Erdi Arotik zentzu horretan zihardutenak seguritate sozialaren aurrekaritzat har genitzake.
Elkarrekiko Sorospen Elkarteek – Mutuae- gaixoaldietan eta bazkidearen heriotzan sendiari nolabaiteko diru laguntza luzatzea zuten helburua eta alde horretatik oso bazkun eredugarriak izan ziren. Bazkideen hileroko kuotekin sostengatzen zen haien bizitza eta, jakina, elkarteen artean lehia pizten zen langilea nork bereganatuko. Patronalak ez zuen – gerora ermandadeen kasuan ez bezala- dirurik ipintzen beharginen mutuetan. Eta, bestalde, diru laguntza ofizialetatik kanpo geratzen ziren.
XX. mendearen hasierako Arrasateko lau elkarte haiek La Inmaculada Concepción, La Mutua, Sindicato Libre eta San Jose ziren. Aurreneko bien datuak doaz ondoko laukian. Baldintzak ez dira berdinak, noski.
|
Izena |
Sociedad de Socorros Mutuos de la Inmaculada Concepción |
La Mutua |
|
Noiz sortua |
1914 |
1914 |
|
Hasierako bazkideak |
70 |
30 |
|
Lehen presidentea |
Jose Balanzategi |
Amadeo Berezibar |
|
1926ko bazkideak |
255 |
156 |
|
Hileko kuota, 1926ko otsailera arte |
1´25 pezeta |
1´25 pezeta |
|
Hileko kuota 1926ko otsailetik |
1´75 pezeta |
1´50 pezeta |
|
Laguntzak eguneko, 1926ko otsailera arte |
Gaixoaldia: Lehen bi hilabeteak, 1´50 pezeta Hurrengo biak: 1´25 pezeta Hurrengo lauak: 1 pezeta Hurrengo lauak: 0´75 pezeta Urtebetetik aurrera: 0´50 pezeta |
Gaixoaldia: 1´75 pezeta (urtebetea egin arte) |
|
Laguntzak, 1926ko otsailetik |
Gaixoaldia: Lehen bi hilabeteak, 3´50 pezeta Hurrengo bi hilabeteak: 3 pezeta Hurrengo biak: 2´50 pezeta Hurrengo biak: 2 pezeta Hurrengo lauak: 1´50 pezeta Urtebetetik aurrera: 1 pezeta |
Gaixoaldia: Lehen bi hilabeteak, 2´75 pezeta Hurrengo lau hilabeteak: 2 pezeta Hurrengo seiak: 1 pezeta Urtebetetik aurrera: 0´50 pezeta |
|
1926ra arteko dirulaguntzak |
40.000 pezeta |
Daturik gabe |
|
Kapitala: |
12.821´78 pezeta |
7.472´96 |
|
Kanpo laguntzarik |
Ez |
Ez |
|
Zuzendaritza Batzordea |
Presidentea, Frantzisko Otaduy; Presidente ordea, Modesto Zulueta; Diruzaina, Felipe Maiztegi; Eragilea; Bonifazio Uriarte; Idazkaria, Jesus Uranga; Bokalak, Benito Riviere, Bernardo Balerdi, Bizente Iribecampos, Pedro Arana. |
Presidentea, Jose Arregi; Presidente ordea, Eduardo Leibar; Diruzaina, Fakundo Kortabarria; Bokalak, Simon Lezeta, Migel Barrenetxea, Leonzio Uribarren, Asenzio Mondragon, Angel Berezibar eta Basilio Urzelay. |
Amaitzeko, diodan Mutua bakoitzeko bazkideak enpresa desberdinetakoak izan zitezkeela. Eta 1936-39ko gerra amaitu arte ez zen Arrasaten egituratu langileen mutua mixtoa – langileak eta enpresa batera- eta hori sortuko da Hetrucekin, Union Cerrajerari zegokiona, eta Hermandad de San Juan Bautista – herriko beste enpresen ekimen osagarria. Biak eredugarriak, bai horixe.
GEHIAGO MUTUA HAIEN GAIN
https://txemax3.blogspot.com/2020/09/hetruc-hermandad-de-trabajadores-de.html
https://txemax3.blogspot.com/2020/01/gizarte-prestazioak-arrasaten-xxan.html
Argazkia: JMVM
iruzkinik ez:
Argitaratu iruzkina