HIRUROGEIETAKO MUSIKA GARAIKIDEA ARRASATEN

Los Dragones

Iragan mendeko seigarren hamarkadaren lehen urteetatik Arrasateko musika “berria”ren magma pil-pilean zegoen, mundu osoan bezalatsu. Gu ez ginen desberdinak eta diktadura politikoaren presioak era guztietako zailtasunak jartzen zituen arren, egia da musikarako grinak gazte askorengan piztu zuela eta ahaleginak eta bost egiten genituen, estatutik eta, batez ere, Europatik zetorkigun uhin berriari aire pixka bat hartzeko.  Idatzi nuen “Sixties” (1990) nire liburuan, gure diru apurraz erositako disko jogailuetan ehunka single, EP eta LP entzun genituela, liluraturik, musika hura nola egin zitekeen galdegai. 

Los Jaguars

Guri asko eta gure gurasoei ezer gutxi gustatzen zitzaien musika modernoa zen. Gure  "Sixties" propioa izan genuen. Polita izan zen eta mende erdia eman ondoren giro haren islapena jaso nahi izan dut, oso modu apalean. Los Dragones, Los Jaguars, Los Cactus, Los Iris, Jose Antonio Villar, Jose Mari Larrañaga ziren gehien entzuten genituen izenak. Oso ilusio handiarekin jardun zuten, ibilbide artistikoan tokitxo bat egiteko asmoz.

Atzera begiratze honek ez du haien oroitzapena finkatzea besterik aldarrikatzen. Eta, agian, nolabaiteko eskerrona da, euren musikarekin gainerakoon ordu libreak hobeto pasatzen lagundu zigutenentzat.

 

 

Eta gaurko ekarpen hau modu desberdinez luzatu nahi diot irakurleari. Luzexka denez, iruditu zait pdf formatoan eskaini behar nuela, irakurleak - nahi izanez gero- dokumentua eduki dezan. Hona hemen, lan osoa jaisteko esteka:

 HIRUROGEIETAKO MUSIKA GARAIKIDEA ARRASATEN