MADINABEITIA UDALATXETIK MINTZO

Miguel Madinabeitiaren idazkietatik erabili nituen aurrenekoen artean dago gaur dakardana,  Arrasate Zientzia Elkartekoek eskatutako nire hitzaldian – 2012ko abenduaren 11an- aurkeztu nituenetakoa. Niretzat argigarria – eta aldi berean, baita despistagarria ere-  zen Arrasateko historialari eta udal idazkari izan zenaren inguruan. Sarritan esan dut badirela Madinabeitiaren bizitzan ilun samar geratu diren pasarteak, eta gizon handi horren gaineko ideia orokorra egiteko eraginik ez duten arren, beti dira deigarriak zulo beltz horiek… egun zalantzak inork ez dizkigula ezabatuko badakit ere. 

Madinabeitiak Udalatx mendira egiten duen igoaldi bat deskribatzen digu. Artzainen izenak ematen dizkigu, baserritakoak, bere sendiaren zati bateko jatorria kokatzen du, euskara barra-barra erabil zezakeela erakusten digu eta abar.

Ondoko artikulua “El Noticiero Bilbaino” egunkariaren “Sección Literaria” zeritzanean argitaratu zioten 1890eko ekainaren 13an. Eta gero urte bereko “Euskal Erria” aldizkariaren bigarren zenbakian ere bai. Nahiago izan dut azken horren erreprodukzioa ekartzea, irakurgarriagoa egitearen aldera.

 

Miguelen semeetatik zortzi urte Arrasatetik igaro gabe egongo zena, ene ustez, Miguel izenekoa izango zen. Jesuitarako ikasketak egin zituen eta baita amaitu ere. Gero Kubara joan zen, erlijios bidtik aldenduz. Bestalde, Miguel Madinabeitiaren zuhaitz genealogikoaren zatitxo bat ezagutzen dut, Miguelek berak egina, eta ez du sekula argitzen zergatik aita, Aramaioko jaiotagirian Biktor Madina den eta Arrasatera bizitzera etortzean Madinabeitia. Huskeria, gaurko ikuspegitik. Beraz, jarrai dezadan esaten,  Mari Kruz Uriarte Zabarte, Juan Kruz Aristegirekin ezkondu zela 1790ean eta, besteak beste, Maria Antonia alabaren gurasoak izan ziren. Biktor Madinabeitia Muruarekin ezkondu zen Mari Antonia 1828an eta urte berdinean Miguel semea jaio zitzaien. 

http://1949arrasate.blogspot.com/2019/01/udalaitzeko-baseliza-ermita-de-udalaitz.html

https://txemax3.blogspot.com/2016/01/udalacha-espainiako-prentsa.html

UDALAITZEKO BASELIZA ATERPE. 1928

240117