Mende oso bat bete
da aurten, Jose Maria Resusta industria ekintzailea hil zela Arrasate bere
jaioterrian. Belaunaldi berriek ez dute gogoratuko, nonbait, Iturriotz kalea
dugunak industria gizon haren izena eraman zuela hamarkadetan. Eta kale hartan oraindik indartsu dugun eraikina jaso zuela.
 |
| Jose Maria Resusta industria aitzindaria |
Jose Maria Resusta
Altuna “Maixortxo” Arrasaten jaio zen,
1824ko irailaren 8an. Gurasoak Migel
Antonio Resusta Maíz eta Josefa Juana Altuna Ezkurra izan zituen, biak ere arrasatearrak. Bigarrena zen Jose Maria sei anaia-arreben artean.
Jose Maria gazte-gaztetandik industria
gorabeheretan ibili zen, sendiaren ezpalari eutsiz. Tekniko on bat zen baina bere ideia
industrialak behar bezala gorpuzteko kapitalaren premian zeukan. Oñatiko Jose
Vergarajaureguirekin ipini zen harremanetan, eta beste lagun batzuekin batera
“Almacenes de Cerrajeria” izeneko lantegia sortu zuten 1856an. Enpresa hartatik
jaioarazi zuten “Vergarajáuregui, Resusta y Compañía” deiturakoa, 1869an.
Resusta izan zen enpresa haren arima … eta zuzendaria.
 |
| Ezkerrean "Maixor"en etxea, Jose Maria Resustaren seme Ferminek eraikia |
Enpresaren
ibilbideak bere une txarrak izan zituen eta 1906an “La Cerrajera
Guipuzcoana”rekin bat egin zuen: Unión Cerrajera S.A sortu zen. Eta denaren
burua Jose Maria Resusta izendatu zuten. Atera kontua: 82 urte zituen! Eta
sasoi onean ari bide zen. Behintzat, 1911ra arte ez zion Toribio Agirrek
erreleboa hartu enpresaren zuzendaritzan.
“Maixortxo”
birritan ezkondu zen. Aurrenean, Petronila Madinabeitiarekin egin zuen. Miguel
Madinabeitia arrasatear udal idazkariaren arreba genuen Resustaren emaztea. Lau
seme-alaba izan zituen bikoteak. Vicenta Mujika bigarren emaztearekin, berriz,
bederatzi seme-alaba jaio ziren.
Jose Maria Resusta
1913ko urtarrilaren 25ean hil zen, 89 urterekin. Hil haren 31n udal
korporazioak honako erabaki hau hartu zuen, Esteban Garay alkateak
proposatutakoa:
 |
| Hamarkadetan Jose Maria Resusta Kalea izan zena |
“Que de todos es conocido el fallecimiento del
distinguido mondragonés D. José María Resusta y Altuna, ocurrido el 25 del
actual. Tan modesto como inteligente y laborioso hombre ha sido la admiración y
aprecio del vecindario, que debe al finado la vida floreciente en que se
encuentra el pueblo, y es indudable que su vacío habrá dejado impresión honda y
de dolor en el pecho de todos los asistentes.
Y por ser tan sentida su pérdida y tener dos hijos en el
seno de la Corporación, creía que el Ayuntamiento se asociaría a estas
manifestaciones y proponía la adopción de los siguientes acuerdos:
1.- Suspender la sesión en señal de duelo, sólo por
quince minutos, en razón a que los asuntos son muchos y urgentes algunos.
2.- Transmitir
estas manifestaciones de pésame a la familia del finado y a la sociedad
mercantil Unión Cerrajera, como fundador de la industria”
Jose Maria Resusta hil zenean udal karguetan ari ziren bere
bi semeak, Higinio eta Dagoberto genituen, ama desberdinetakoak. Dagoberto
1934ko iraultzan erail zuten.
Margo-erretratoa:
Luis Armengou (1912)
iruzkinik ez:
Argitaratu iruzkina