miércoles, 19 de septiembre de 2012

SABIN SALABERRIREN OBRA BERRIA



Sabin ostiralean, obra estreinatu ondoren
Sabin Salaberri musika egile aramaioarrak obra berri bat estreinatu zuen lehengo ostiralean Gasteizko Principal Antzokian. Urrezko Zeledoiak Sariaren berrogeita hamargarren edizioa ospatu zen jai eder batean, Salaberrik berak zuzendu zuen Gasteizko Udal Musika Bandak eta Samaniego Abesbatzak interpretatutako obra. Sabinen hitzetan, pieza alaia konposatu du, une alaietan abestu ahal izateko. Eta abestu egin daiteke, hain zuzen –2005etik Sabin Salaberri bezalaxe- Urrezko Zeledoia ere den Cayo Vea-Murgia idazlearen testuari esker.

Nuestros abuelos lucharon por crear una ciudad.
Ellos la ruta marcaron para hacer comunidad.
Nos sentimos herederos, guardianes de su tesoro.
Nos ofrecemos primeros como Celedones de Oro.

Vamos a pensarlo juntos, ¡deja la biribilketa!
Hay que buscar las raíces en el subsuelo, poeta.
Es un tema apasionante para abordarlo con calma,
Tras el cuerpo de la fiesta ¿dónde guardamos el alma?

Mejor pensarlo uno a uno que alborotarnos en coro.
¿Qué responsables seremos los Celedones de Oro?


Urrezko Zeledoia golardoa
Urrezko Zeledoia Saria duela mende erdi sortu zen, Gasteiz hiriaren aldeko ihardunean gehien nabarmendutako pertsona edo erakundeari modu sinbolikoan eskerrak emateko. Ostiraleko ekitaldian -2011ko edizioa ospatzen zuena- Gasteizko Hiritarrak izan dira sarituta. Hautagaitzaren arrazonamenduan, besteak beste, inor gai izan bada Gasteiz aurreratu eta aurrerakoi bat egiteko, bertako hiritarrak izan direla esaten zen.  Horregatik, Sabinek gogoatzen zuenez, orain 243.000 lagunek daukate eskubide zuzena berak sortutakoa interpretatzeko.

Abestiaren partitura
Lehen partitura abesbatza eta musika bandarako egin badu ere,  orain txisturako bertsioa idazten ari ei da Sabin
Bestalde, aramaioarraren
gogoa izan zen Cayo Vea-Murgia idazlearen erdarazko bertsioa gure  hizkuntzan jartzea, eta dagoeneko euskaraz ere abes daiteke Urrezko Zeledoien aldarria. Hona hemen:


Gure aiton-amonak hiria sortzen aritu ziren.
Eurek ere elkargorako bidea markatu zuten.
Haien oinordeko eta altxor zaintzaile gara egunero.
Hona hemen gu, Urrezko Zeledoiak gaituzunez gero.

Pentsa dezagun elkarrekin,  utzi biribilketa!
Lur azpian bilatu behar ditugu erroak, poeta.
Pasiozko gaia dugu,    soseguz erabiltzekoa.
Jai-zurrunbiloaren ostean, non daukagu gogoa?

Zaratan galtzea baino banaka pentsatzea hobe.
Urrezko Zeledoiak, nolako erantzuleak ote?


Zorionak, Sabin!!

No hay comentarios:

Publicar un comentario