HOTS BEGI DANBOLINAK: SANTA CRUZ APAIZAREN KOLPEA ARRASATEN. ONDORIOAK

Artzubi baserria

Ikusi genuen aurreko batean Santa Cruz Apaizak zer nolako eragina izan zuen, Artzubi baserriaren ingurukoetan 1872ko abuztuaren 6an kolpe armatua eman ondoren. Handik bi egunetara Santa Cruz atzeman zuten Besaide aldean eta lasaitasuna itzuli zen Arrasateko kaleetara. Dena den, alkatea – Jose Mendizabal industrial xumea- kendu zuten udaletxetik eta preso eraman zuten beste arrasatear batzuekin batera, Gasteizera. Miguel Madinabeitiak alegatu bat egin zuen Madrileko prentsan alkatearen eta gainerako atxilotuen alde eta, nolabait, berak ere pairatu zituen Arrasateko liberalen ondorioak. Madinabeitiari karlistek eta liberalek ematen zioten etengabe…

Baina goazen aurrera eta udal aktetara joko dut, Udaletxean gertatzen ari zenari buruzko ideia egiteko. Abuztuaren 6ko liskarra izan baino lehen, Jose Mendizabal alkateaz gain zinegotziak Isidro Ozaeta, Pedro Jose Resusta, Juan Pio Gorosabel eta Frantzisko Ibarzabal ziren. Mendizabal alkatetzara iritsi zen, aurreko alkatea eta alkateordea – Jose Maria Mendia eta Juan Gualberto Gorosabel jauntxoen dimisio bitxiaren ondorioz; eta Mendizabalek zinegotzien kopurua handitu nahi izan zuen baina udal korporazioak ezetza eman zion, nahikoak zituela adieraziz, karlisten gerrilak gero eta indar txikiagoa bide zuelakoan.

Liskar armatuen ondoko lehen udal bilera abuztuaren 23koa da eta “Acta de la prestación de Juramento” tituluak irekitzen du ondokoa:

“… ante mí el infraescrito secretario accidental de la misma, se reunieron a virtud de lo que ordenan los artículos 42 de la Ley Municipal, y 72 y 73 del Decreto para su ejecución, los señores D. Francisco Ibarzabal Alcalde saliente en unión con D. Isidro Ozaeta regidor tercero, y como concejales entrantes los señores D. Luis Barrutia, D. Joaquin

Azcoaga, D. Ramón Mendía, D. Luis Azcoaga, D. Pedro Azcoaga Resusta, D. José María Egaña, D. José Joaquín Barrena, D. Eusebio Elosua, D. Juan Antonio Gorosabel y D. José María Resusta…”

Mendizabal preso zegoen eta zinegotziek ez diote lerro bat ere eskaintzen. Haren ordez, Frantzisko Ibarzabal ari bide zen. Eta lehen aktan irakurtzen dugu Ibarzabal “irteten den alkatea” dela.

Mendizabalek Jose Maria Mendia ordezkatu behar izan zuenean, behintzat, dimisioarengatik izan zela zioen aktak. Ez da, beraz, Mendizabalen gaineko aipamenik egiten. Beldurra ote? Litekeena da. Eta harrigarria ere bai, akta behin behineko idazkari batek jasotzea. Egia da aktaren hizki mota Madinabeitiari dagokiola, baina ez zen idazkari titularra bileran egon. Mendizabalen alde egindako defentsak izango ote zuen zerikusirik? Bestalde, udal berriaren konposaketak egonkortu egiten zuen udaletxean herriko jauntxoen indarra. Abizen berdintsuak, antzerako pertsonaiak. Baina zer gertatu zen bilera hartan? Begira nola dagoen jasota akta:

“Constituído el Ayuntamiento, se procedió a la elección de Alcalde primero, habiendo sido proclamado por unanimidad el Sr. D. Luis Barrutia. Para alcalde segundo, Joaquín Azcoaga; Regidores: 1º Ramón Mendia; 2º Luis Azcoaga; 3º Pedro Azcoaga; 4º José María Egaña; 5º José Joaquín Barrena; 6º Eusebio Elosua; 7º Juan Antonio Gorosabel; 8º Jose María Resusta.

Queriendo tributar una prueba de deferencia y gratitud al regidor segundo D. Luis Azcoaga, fue proclamado él mismo Síndico de este Ayuntamiento, como uno de los más idóneos e inteligentes en materia de obras públicas”

Ikusten dugun bezala, aipamenik ez atxilotua zegoen Jose Mendizabal aurreko alkateari buruz. Goazen, ordea, aurrera. Eta irailaren lehen egunean batzar exekutiboa izan zuen udal berriak. Besteak beste, honako gai hau izan zuten aztergai:

“Se dio cuenta de la circular nº 16 de la Diputación foral que trata de la obligación en que los empleados municipales están de inscribirse como Voluntarios forales o de orden público en aquellas localidades donde se organice dicha fuerza, en cuyo caso se encuentra este pueblo; y a fin de obrar con el posible acierto en tan delicada materia, acordó el Ayuntamiento se pasase un atento oficio a los señores alcaldes de Oñate, Vergara y Arechavaleta, rogándoles manifestasen la línea de conducta bajo la que se hayan guiado en sus respectivas localidades acerca del particular”

Eta Miguel Madinabeitiak sinatzen duen aktaren beste apunte batean aipatzen da udal epaitegiko idazkari berria: Nikasio Azkoaga, Jose Mendizabalekin batera kartzelara eraman zuten Jose Mendiaren ordez.

Irailaren 21ean, bolondresen gaineko gaia azaltzen zaigu berriro, karlisten erasoei aurre egiteko Udalak martxan jarri behar zuen zerbitzua, alegia. Eta ez dirudi oso ondo hartu zenik udal enplegatuen aldetik. Dakusagun:

“Se dió lectura a las contestaciones de los varios empleados de este municipio a quienes se invitó para que con arreglo a lo acordado en las Juntas de Tolosa se inscribiesen en el cuerpo de Voluntarios Forales o de orden público, que se había organizado en la villa. Y son D. Máximo Cruceño, médico titular; D. José Patricio Herrasti, organista; D. Saturnino Iturriaga, tesorero; D. Pedro Pasadé, tamborilero; José Azpiazu, tambor; José María Amozarrain, enterrador; y el infraescrito secretario Miguel Madinabeitia. De los que por su edad y achaques algunos y por diferentes motivos los demás, no se conformaron a levantar el fusil como Voluntarios. En su vista acordó el Ayuntamiento que dichas contestaciones se remitieran originales a la Excma. Diputación foral, para que adoptara la resolución que estimase más conveniente”

Baina batzar hartan irakurtzen dugun hurrengo apunteak argi ematen digu Miguel Madinabeitiari buruz, eta justuago, abuztuaren 6ko karlisten erasoaren ostean udal idazkariarekin gertatutakoaz:

“Se leyó un memorial de D. Nicasio Azcoaga, secretario del juzgado municipal de esta villa, reclamando las dietas del tiempo que había estado al frente de la Secretaría de este Ayuntamiento, que según él mismo se permite estampar en su memorial: son 16 días a razón de 16 ½ reales por día, por lo que importan 264 reales.

Miguel Madinabeitia

Como asunto propio, tuvo el infraescrito secretario (noski, Miguel Madinabeitia idazten ari da akta) que molestar la atención de los señores concurrentes, exponiendo que en la nómina de los asalariados del último bimestre, había consignado su salario por entero, no obstante de haber estado fuera de casa quince días a consecuencia de la destitución de su cargo impuesta y llevada a efecto por persona incompetente y que no tenía jurisdicción sobre dicho funcionario, y que por los mismo adolecía de completa nulidad.

Para resolver este particular, acordó el Ayuntamiento se preguntara a la Diputación foral si era la Villa quien tenía que pagar las referidas dietas o el infraescrito Secretario, de los haberes que tenía percibidos”

Beraz, badakigu Madinabeitia zigortua izan zela abuztuaren 6ko gertaeraren ondoren. Madrileko prentsak zioenean idazkaria preso eraman zutela ez zebilen hain oker. Ez dut uste Madinabeitiak bere artikuluan aipatutako “presoen soka”n egongo zenik, bestela ezina izango baitzitzaion idazkia “El pensamiento español”era bidaltzea. Ziurrenik, alkatearen eta beste detenituen defentsan aritzeak ekarri zion ondorio txarra. Eta esan behar da, Diputazioak pilota udalera itzuli ziola, arazoaren gaineko datu gehiago eskatuz. Azkenik, Madinabeitia eta udalaren arteko akordio batera heldu zen.

(segituko du)

KARLISMOARI BURUZ GEHIAGO