ITSASOAN ITOTAKO ARAMAIOARRA. 1921

Julian Arana Zabala

Gutxien espero duzun tokian egon daiteke albistea: kazetaritzaren urrezko araua. Eta beste behin gertatu zitzaidan niri, Aramaioko Ibabeko Andra Mari Kofradiaren liburu zaharretan barrena ari nintzela. Ez du albisteak bere biziko garrantzia historikoki begiratuta baina bitxia iruditu zait, jasota den tokian dagoelako eta, nahi barik, Aramaioko sendi baten berri eskaintzen duelako. Eta askotan gertatzen den moduan, albistearen haritik tiraka istorio berriak ateratzen dira. Ikus dezagun: 

Kofradiaren barruan ematen ziren denetariko apunteak jasotzen dira, 1799tik ezagutzen ditugun liburuetan. Kofradia askoz lehenagokoa da – XVI.ean sortu zela esan daiteke- eta auskalo zein nolako istorioak egongo ziren gordeta iritsi ez zaizkigun idazkietan. Aipatzen ari naizen apuntea 1921eko urtarrilaren 21ekoa da eta Kofradiaren Batzar Nagusian adierazitakoa jasotzen du, Hain zuzen ere, Julian Arana kofradearen hileta elizkizunak ospatu ziren batzarraren aurretik. Liburuan irakurtzen dugu: 

“… Julián de Arana y Zabala, natural y vecino de este pueblo de Ibarra de Aramayona. Falleció habiendo desaparecido juntamente con otros doscientos catorce pasajeros y tripulantes en el naufragio del vapor “Santa Isabel” de la Compañía Transatlántica española, ocurrido de una a dos de la mañana del día dos de este mismo mes (domingo) por haber chocado con un bajo (roca) existente a la altura de la isla Sálvora. Habiendo salido del puerto de Bilbao el día treinta de diciembre próximo pasado, se dirigía en compañía de su hija Dña. Benedicta de Arana y Billar a visitar a sus hijos y hermanos residentes en la Estancia de San Francisco, de Vázquez y en Tandil respectivamente, en la provincia de Buenos Aires en la República Argentina (América del Sur)

Benedita Arana Villar

De los sesenta supervivientes o salvados del naufragio una es la mencionada Dña. Benedicta de Arana y Billar que, como testigo presencial, refiere lo ocurrido según lo sabe ella, pues se salvó en unión de otros treinta en uno de los botes lanzados al agua poco antes de hundirse el buque en el fondo del mar, el cual bote después de una lucha de dos horas con las olas del mar, arribó a la expresada isla de Sálvora y de ésta al pueblo de Santa Eugenia de Riveira, provincia de Coruña (Galicia) desde donde se trasladó a su pueblo natal de Ibarra de Aramayona, donde sigue residiendo en su casa número 24 de la calle Nardeaga”

Hondamendiaren osteko lehen albisteen arabera, salbatutako 56 lagunen izenen artean -27 tripulaziokoak eta 29 bidaiari- Benedita Aranaz agertzen da. Goian irakurri ahal izan den dokumentua idatzita dagoen moduan, esango nuke transkripzio zuzena dela, istripuko tokian agintariek erredaktatutako atestatu-txostenetik. Ulergaitz gertatzen zait, bestalde, Beneditaren bigarren abizena aramaioar jator batek “B”z idaztea, kanpoko funtzionario batek egingo zuela pentsatzera berresten nauena. Eta zehazkizunen zorroztasuna? Ez dut Benedita alaba ikusten, kofradeen bilera batean halako azalpen joria ematen ari. 

Julian Arana, eserita;
 Benedita, Felix eta Simon seme
alabekin, Aramaion Ameriketarako itsasontzia hartu aitzin,

Julian Arana Zabala Aramaion jaio zen, 1864an. Eta Eskoriatzako Mazmelako Evarista Villarekin ezkondu zen 1886an. Maria, Simon, Faustino, Benedita eta Felix seme alabak izan zituzten. Julian Aramaioko EAJn zegoen afiliatua. Zer gertatu zen 1921eko egun hartan? Garaiko kronikek diotenez, Arosako ibaiaren ahoan izan zen istripua, Salvora uhartetik ehun bat metrotara. Salvorako biztanleak aurki agertu ziren bidaiariei laguntzera eta, diotenez, 25, 16 eta 14 urtetako hiru emakume izan ziren laguntza lanetan gehien nabarmendu zirenak. Berrogeita hamasei pertsona atera ahal izan zituzten bizirik. Alfontso XIII erregeak errekonozimenduzko titulua eman zion herriari eta emakumeek merituzko domina bana jaso zuten.

Santa Isabel itsasontzia eta Salvorako itsasertza

Istripuan 213 lagun hil ziren. Ezin izan zituzten guztien gorpuak erreskatatu eta bertako udal kanposantu zahar bat berrireki behar izan zen hildakoei lur emateko. Baina bada istorio beltz bat ere gertaera horren inguruan: zurrumurru bat arin korritu zen inguruetan, Salvorako herritarrak “Santa Isabel”eko bidaiarien ekipajeekin geratu zirela zioena.

Julián Arana Zabala ez zen etxera itzuli. Eta ez da jakiterik bere gorpua agertu ote zen edota Salvorako hilerrian ehortzi zuten. Dakiguna da, berriz, 1921eko urtarrilaren 2an, igandea, Ibabeko Andra Mariren Kofradiak kofrade bat galdu zuela.

Benedita bai, etxera itzuli zen, albiste txarra ematera. Une hartan hogeita bi urte zituen (1898an jaio zen, Aramaion) Benedita, handik urteetara, Ulgorren sorzatileetariko baten ama izan zen: Javier Ortubai Arana.

 Argazkiak: Julian, Benedita eta sendiarena, Arana Sendia; wikipedia

TRENIK EZEAN AUTOBUS LINEA BAT. 1907

Hogeigarren mendearen hasieran, aurrekoan  Anglo Vasco Navarro Trenarekin ekindako obrak zeharo geldituta zeuden,inor gutxi azaltzen baitzen prest dirua inbertitzeko epe ertaineko errentagarritasunik ikusten ez zitzaion gaian. Deba Goineneko herriak izan ziren – Gasteizekin batera,- trenbidearen egitasmoari indar gehien eman ziotenak, baina errealitatea zen Anglo Vasco Navarro Railway Company Limited  enpresak porrot egin zuenetik, Malzaga-Leintz Gatzaga tarteko obrak hasi gabe geratu zirela.  Eta Espainiako gobernuak ahalegin batzuk egin zituen arren, badirudi diru publikoa ere uzkur zela eta obretarako enkanteak aldarrikatzen ziren arren, eskainitako funtsak txikiagoak bide ziren obretako kostua baino, eta beraz esleipenak hutsean geratzen ziren. 

Gauzak horrela, egun batetik bestera eta aurre susmo bat ere gabe, Gasteizko komunikabideetan honen gisako albistea agertu zen, 1907ko urriaren 14an: 

“Ayer se repartió profusamente por Vitoria una hoja impresa por Don Ramón Barrena en la villa de Mondragón, en la que aparecía el acta de una reunión celebrada en aquella villa para la constitución de una sociedad anónima que explote una línea de automóviles entre la estación de Málzaga y Arlabán, incluyendo Oñate. Al acta de la reunión precede una bien escrita memoria del referido señor Barrena, en la que se habla de los grandes progresos del automovilismo, los cuales pueden hacer que los productos sean transportados con la deseada rapidez, comodidad y economía, con lo que ganarían no poco los pueblos del recorrido” 

Elkartearen asmoa garbi zegoen: Anglo Vasco Navarro Railway Company Limited-aren lanari nolabaiteko jarraipena ematea. Leintz Gatzaga eta Malzagaren arteko biztanle eta enpresei garraio zerbitzua eskaintzea ei zen elkarte berri haren asmoa, bai bidaiarientzat eta baita merkantzietarako ere. Hasteko 80.000 pezetako kapitala izango zituen elkarteak, 100 pezetako akziotan. Eta elkartearen buruzagitzan, Ramon Barrena ezik Toribio Agirre eta Severino Samperio zeuden, hau da Union Cerrajeraren kapitalean goiko mailetan zeuden arrasatearrak.Kontuan izan behar da, Unión Cerrajera S.A 1906an sortu zela, baina Vergarajáuregui, Resusta y Cia. bezala, hasiera hasieratik pairatu zituztela Anglo Vasco Navarro Railway Company Limited-aren gabeziak.

Egitasmoaren bultzagileek garbi zuten akziodunak lortzeko tokirik seguruena Gasteiz zela, izan ere Anglo Vasco-k utzitako hutsuneak isolatuta uzten zuen Arabako hiriburua Deba Goieneko herrietatik. Bestalde, Arrasate eta Bergarako udalak eta korporazio pribatuak nekatuta eta aspertuta zeuden euren interes ekonomikoetarako administrazio publikoaren erantzunik ezarekin. Trenak Gasteiz-Leintz Gatzaga ibilbidea egiten zuen eta Gatzagako gainetik zaldi edota idi gurdiz egin behar zen gainerakoa, horrek adierazten zuen buruhauste eta atzerapenarekin. Hori gutxi bailitzan, XX.aren lehen urteetatik zurrumurruak ziren Arrasatetik tren linea bat irekiko ote zen Elorriorako eta horrek ez zien bat ere graziarik egiten Gasteizko agintariei, betiko gal baitzezaketen Deba Goieneko herriekin lotzeko aukera. Horregatik ez da harritzekoa, Ramon Barrena hiriburu arabarretako komunikabideen aurrera azaltzea, autobus linea baten ideia aurkezteko. Prentsak berehala egin zuen bat arrasatearren proiektuarekin: 

“Se ha estudiado este asunto desde el punto de vista del buen servicio que puede prestar al país, mientras se soluciona el difícil problema del ferrocarril Anglo-Vasco-Navarro. Y como negocio no podrá menos de resultar bueno, por lo popular de la idea y porque todos parecen estar decididos a implantarlo, con sacrificios modestos, y a darle vida con los múltiples, rápidos y agradables viajes que en los automóviles realizaremos. 

Durante todo el año, los viajeros de la costa de Guipúzcoa, los comprendidos entre Durango y Málzaga, y los de Vergara, Oñate, Mondragón etc. podrán venir a Vitoria, saliendo de sus casas a hora regular de la mañana para hacer sus negocios en Vitoria durante casi seis horas, regresando a sus domicilios para cenar” 

Barrenak bilerak izan zituen Banco de Vitoriako eta Mekatal Ganbarako agintariekin, akzioen kanalizazioari buruz hitz egiteko. Gasteizen, gutxienez, kapitalaren heren bat sartzea zen ekintzaileen asmoa. Barrenak adierazi zien hilabete batean ezagutu nahi zutela gasteiztarren jarrera, izan ere Pariserako bidai bat prestatzera zihoazen, orografiarekin egokien joan zitekeen autobusen marka erabakitzeko. 

Busen gaineko albisteak jauzi luzea egin zuen Pariseraino iritsiz eta Frantziako hiriburuko Automobilen Erakusketa Nagusian oso komentatua izan zen arrasatearren helburua. Horregatik Arrasatera aldeko eskaintzak eta tokian tokiko erakusketak egiteko erreguak heldu ziren. Lehena Noé Boyer & Cie enpresarena izan zen. Eta urriaren 25ean Arrasatera etorri ziren paristarrak 24 eta 16 plazatako omnibus banarekin eta 4 tonatako kamioi batekin. Eta urriaren 27an Arrasate-Gasteiz bidea egin zuten, prentsan irakurtzen den moduan: 

“Ayer domingo salió de la villa guipuzcoana el omnibús de 35 caballos a las 10´30 de la mañana, con 14 individuos de la sociedad que ha de explotar la línea de Málzaga al Alto de Arlabán, y eran las 12 cuando entraban en Vitoria, habiendo subido la cuesta vieja de Salinas de Léniz en 29 minutos. No se registró el menor incidente después de realizar tan brillantes pruebas, de las que quedaron satisfechos y sumamente complacidos los mondragoneses. En la junta verificada ayer por la Cámara de Comercio, quedó convenido el celebrar en Vitoria el viernes una reunión,

Fiat autobus modeloa

con la naciente sociedad mondragonesa, para tratar de que el proyecto de automóviles a Málzaga sea más práctico para Mondragón y Vitoria” 

Jakina, proiektua oso erakargarria zen automobil markentzat eta aurki azaldu zen Arrasatera FIAT enpresako ordezkaria, erakusketak egiteko eskaintzarekin.  Autobusa, 40 zalditakoa, hogeita hiru bidaiarirentzat zen, hogei barruan eta hiru kanpo aldean. Azaroaren 1ean hogei ekintzaile autobusera igo ziren Arrasaten Gasteizeraino iristeko;beraiekin batera, Anglo-Vasco tren proiektuan hasieratik ibilitako Casto Zabala arkitektoa zihoan. Eta kotxe partikularrean, Higinio Resusta Union Cerrajerako zuzentzaileetarikoa heldu zen, Gasteizko agintariekin izan behar zuten elkarrizketan parte hartzeko. 

Merkatal Ganbarako bilera egin zen egin hartan eta mahai gainera azaldutako datuen arabera, Deba Goienako area geografikoan 27.000 biztanle ziren autobus garraio sistemaren balizko erabiltzaileak, zaldi gurdiz edo, banaka batzuk, automobil partikularretan mugitzen zirenak. Eta erabaki bat hartu zen: proiektua berraztertzeko eta bideragarria egiteko batzorde bat izendatu zen: Ramon Barrena, Toribio Agirre, Severino Samperio – hiruak arrasatearrak- Casto Zabala, Jose Zubia oñatiarra eta Pedro Tournan Gasteizko Merkatal Ganbarakoa. Bilera hura Ramon Barrenaren hitzekin amaitu zen: “Como buenos vascos que somos, terminemos esta junta y comencemos los trabajos al grito de Aurrera!” 

Arrasateko espedizioa busez itzuli ziren etxera eta biharamunean garragailuak erakusketa bat egin zuen Urkiolako portuan. 

Zertan geratu zen hura guztia? Nik esango nuke, etorri zen moduan joan zela: isil-isilik. Udazkeneko gau bateko ametsa izan balitz bezala, egitasmoa lurrundu bide zen eta botere faktikoak trenaren oinarrizko ideiari berrekin zioten. Behintzat, eta artean trena zenbait urte atzeratuko zen arren, ez dirudi Arabako Diputazioak oso begi onez ikusi zuenik arrasatearren egitasmoa, Gipuzkoako Diputazioarekin batera nahiago baitzuten bide politikoari indar gehiago ematea eta hasierako trenbidearen ideiari eustea. Artean bulegoko lan asko zegoen egiteke… Benetan ari ziren ucemtarrak garraio zerbitzu proiektu hartan? Ez al zen izango nolabaiteko estratagema Madrileko politikoak zirikatzeko? UCEMek oso harreman onak izan zituen Eduardo Datorekin... eta auskalo zertara etorri zen Barrena,Agirre eta enparauen ekimen hura!

ANGLO VASCO NAVARRO TRENARI BURUZ GEHIAGO

https://txemax3.blogspot.com.es/2017/12/expropiazioak-vasco-anglo-trenaren.html

https://txemax3.blogspot.com.es/2016/11/vasco-navarro-trenaren-inguruko-lehen.html

Argazkiak :JMVM

 

EUGENIO GOROSABEL INGENIARI ARRASATEARRA

Gorosabeldarren etxea, Goikoetxe,
Gazteluondon.1945

Herri guztietan ditugu, arrazoi desberdinengatik nabarmendutako pertsonaiak, baina, hala ere, gizartearentzat ezezagun geratu direnak. Txoko honetan horietako batzuk azaleratzen ahalegindu naiz eta gaurkoan ere beste bati eman nahi diot txanda. Eugenio Gorosabel Reizabal arrasatearrari nagokio. Goazen, beraz, gaira.

“Euskalerria” aldizkarian,  1918ko alean, G. izenpetzen duen batek honako albistea eman zuen. Itxura guztien arabera, gero ikusiko dugun arrazoiarengatik, Juan Carlos Guerra historialari arrasatearra izan zen G. haren atzean zegoena:

“El día 3 del corriente mes ha fallecido en Mondragón el respetable caballero guipuzcoano D. Eugenio de Gorosábel y Reizábal, a la edad de 86 años. Había nacido en dicha villa el 12 de Febrero de 1831; siguió en Bélgica con grande aprovechamiento la carrera de ingeniero civil y, después de terminarla brillantemente, adquirió extraordinaria cultura en sus viajes por el extranjero. Volvió a España cuando la construcción de los primeros ferrocarriles prestaba mejor ocasión a la aplicación de sus estudios, y trabajó activamente en las obras de nuestras más importantes vías férreas.

Establecido luego en Zaragoza, formó parte de

la comisión facultativa de las obras del Pilar y presentó en 12 de Junio de 1903 al Excmo. Sr. Arzobispo de dicha diócesis un estudio notabilísimo sobre las causas determinantes del peligro de ruina de dicho templo y el proyecto de obras de consolidación; informe que publicó en la Imprenta del Hospicio provincial en 1912 y que mereció una calurosa defensa por D. José María Azara, presidente de la Congregación de San Luis, de Zaragoza, y director de Anales del Pilar.

Retirado a su villa natal en 1914, ha permanecido en ella los últimos años de su vida, siendo objeto de general afecto de sus convecinos por la amabilidad y benevolencia de su amenísimo trato, con una conversación que sazonaba con oportunos y chispeantes relatos. En su testamento lega a la villa de Mondragón su Meteorómetro y su Cosmógrafo, que, a imitación de otro existente en Niza, había construido expresamente para el meridiano de dicha villa, y lo tenía montado en su jardín. Si la representación del Municipio no aceptase tal legado, recaerá por voluntad expresa del testador en favor de la Comunidad de Religiosos Maristas de la villa de Escoriaza, pues siendo tan corta la distancia entre ambos puntos y la diferencia de latitud, las observaciones serán utilizables en una y otra localidad”

Jose Joaquin Gorosabel Zubillaga arrasatearra eta Narcisa Reizabal Lopez de Aberasturi gasteiztarraren semea genuen Eugenio Gorosabel Reizabal. Jose Joaquin sendiaren maiorazkoa zen eta berari egokitu zitzaion Gazteluondoko Gorosabel sendiaren etxea. Eta aitaren aldetik, osaba zuen Juan Pedro Pablo Gorosabel Zubillaga, oso ospe handiko legegizona. Azken horretaz beste behin aritu nintzen zutabe honetan.

Nire liburuen artean daukat Guerrak aipatzen duen txostena eta bertan irakur daitekeenez, Gorosabelek artzapezpikuari proposatzen zion El Pilarren kupula Loiolako San Ignazio, El Escorialeko San Lorenzo eta Erromako San Pedro basiliketakoen antzera konpontzea.

Zaragozan bizi izan zen bitartean, Aragoiko hiriaren bizitza kulturaleko kide aktiboa izan zen Gorosabel, eta bertako Kasinoko Ateneoaren zuzendaritza batzorderako hautatu zuten zenbait aldiz XIX.eko azken hamarkadetan.

Sola Jauregia

Francisco Sola Nanclaresen alaba Maria Luisa Sola Iradirekin zegoen ezkonduta Eugenio Gorosabel eta Sola jauregiaren jabea genuen. Jabego hori dela-eta, Gorosabelek zenbait arazo izan zituen XX.aren lehen hamarkadan arrasatear korporazioarekin, 1867an jauregia eraikitzeko haren aitaginarrebari emandako baldintzak ez errespetatzeagatik. Hala ere, auzia ez zen epaitegira heldu eta bi aldeen arteko ituna sinatu zen 1907an.

Gorosabel ingeniariaren testamentuan Arrasateko herriari utzitako bere lanabes zientifikoen gain, honako beste albiste hau eman dezaket, herriko udal batzak 1918ko otsailaren 8an erabakitakoa:

“Se dio lectura a un oficio de D. Juan Carlos de Guerra, en calidad de albacea-testamentario de D. Eugenio de Gorosabel y Reyzabal, natural y vecino de esta villa, fallecido el 3 de enero último, participando el legado a la villa de Mondragón de su Cosmógrafo y Meteorómetro. El Sr. Presidente expuso que debía aceptarse el Legado con agradecimiento y conservar así un aparato útil en memoria al Sr. Gorosabel, que en varias ocasiones ha mostrado su acendrado amor al pueblo natal.

El Sr. Arejola Leyva expuso también su agradecimiento por la distinción que hace al pueblo de Mondragón. Y el Ayuntamiento conforme con las manifestaciones antedichas, acordó por unanimidad, aceptar el legado, haciendo constar su agradecimiento, comunicándolo a su albacea el Sr. Guerra. Así mismo, acordó para darle su destino, pase el informe de la Comisión de Fomento”

Urte hartako alkatea Juan Goñi genuen Arrasaten. Eugenio Gorosabel Reizabal ondorengorik gabe hil zen.

Argazkiak: JMVM, J.M.Uranga, Mendia bilduma

BIKTORIANO BALERDI ARRASATEKO ORGANO JOLE BERRIA. 1892 (2tatik bigarrena)

EUGENIO ETXEBESTEri, ADISKIDETASUNEZ

Nioen aurrekoan,oso eztabaidatsua izan zela Errasti organo jolearen heriotzaren osteko hautaketa prozesua. Oposaketen bitartez plaza

XIX.aren amaieran

emateko udal erabakia hiru zinegotzik errekurritu egin zuten baina azkenik hala egin zen. Horretarako Arrasateko parrokian burutu ziren azterketa praktikoak. “El Noticiero Bilbaíno” egunkarian, 1892ko martxoaren 24an honela azaltzen du Miguel Madinabeitiak hautagaiek bizi behar izan zuten azterketari buruzkoa: 

“El amigo don Leandro Otalora se despidió de mi la tarde del 17, leyéndome las cuartillas que había dispuesto para llevar a ese periódico las impresiones recogidas en este pueblo durante su permanencia de tres días. Ya que él escribía, le dije que me abstenía yo de hacerlo, aprovechando así un tiempo que me era preciso para mis habituales tareas; pero como el escrito no aparece y aun en el supuesto de que venga en la sección literaria del viernes se hace largo y la oportunidad pasa, no puedo menos de hilvanar dos renglones, siquiera para llenar de algún modo la misión mía de corresponsal.

Conforme se había anunciado, el día 15, de nueve a doce y media por la mañana y de dos y media a cuatro por la tarde, fueron examinados en la iglesia parroquial de San Juan Bautista de esta villa, por el sacerdote don Francisco Pérez de Viñaspre, organista de la catedral de Vitoria, ocho de los diez aspirantes a la plaza de la misma parroquia. Los ejercicios de oposición, al decir de los que entienden, han sido brillantes, y para mí el acto revistió una imponente gravedad, creyendo sinceramente que en el veredicto resplandeció la imparcialidad y la justicia. Jamás hubiese creído que para la plaza de Mondragón habría de concurrir un grupo de jóvenes tan simpáticos y hábiles como el que me tocó presenciar, y tengo el gusto de estampar sus nombres por el orden que ejecutaron los trabajos, que fue el siguiente: 

Nº 1, D. Nicanor Arriola, de Ondárroa; nº 2, D. Bonifacio Galparsoro, de Zumaya; nº 3,D. Sabas Amilburu, de Aramayona; nº 4, D. Victoriano Balerdi, de Lazcano; nº 5, D. Felipe Lopez Muniain, de Vitoria; nº 6, D. Anselmo Román de Arrimarle, de Abadiano; nº 7, D. José Lorenzo Martinez Olano, de Ibarra (Tolosa) nº 8, D. Cipriano Rosaenz, de Medina del Campo.

Todos ellos parece que demostraron gran caudal de conocimientos, tanto en la ejecución de piezas de lucimiento, lectura de repente, bajete armonizado, verso y canto de antífonas, formas para improvisar, bajete para ser armonizado, armonía con canto gregoriano y tema para fuga orgánica. Los opositores eran llamados por turno desde la casa del señor párroco, que está a conveniente distancia para no oír ni enterarse unos de las piezas ejecutadas por otros; y al presentarse al teclado eran objeto de la curiosa y escudriñadora mirada del público, que pretendía juzgar  por sus señales exteriores el estado de ánimo del respectivo opositor. Por eso he dicho y repito que el acto me pareció severo e imponente. Pronto se dijo que como salmistas y conocedores de la música religiosa se distinguieron el número 8, el 1 y el 7. 

La concurrencia fue numerosa, particularmente del elemento clerical forastero: el elemento seglar forastero muy escaso, pues no vi más que a unos pocos y al Sr. Otálora. Por la tarde hubo más señoras que por la mañana; pero lo que llamó mi atención y, si se quiere, lo que me causó agradable efecto, fue el golpe de vista de la clase de artesanos y de los aprendices de la fábrica que, renunciando a su jornal, se posesionaron de las alturas del persbiterio y otros sitios del templo para fijar sus miradas en el coro, a fin de que no se les escapara ningún detalle de los examinandos. Casi me dieron tentaciones de creer que el herrero Tubalcain fue el inventor de la música. Y digan lo que quieran, yo en esos obreros y en esos aprendices que tan desinteresadamente pierden el jornal por la novedad de un espectáculo, yo en esos obreros, repito, encuentro si no genio, al menos algo así como sentido artístico, que cultivado podría dar sus frutos. Y no habrán sido ellos los últimos en forjar sus juicios acerca del resultado del acto que motiva estas líneas.

El día inmediato, a los postres, me trasladé a la fonda de Milicua, con el objeto de saludar a los opositores que se hallaban reunidos en fraternal banquete, para desquitarse, sin duda,  de la penitencia que tuvieron por la mañana encerrados en sus respectivos cuarto ( a no sé qué acto de oposición, pues me falta el tecnicismo para explicarlo) y cumplido aquel deber, se me deslizaron agradablemente algunas horas, viendo tocar por manos hábiles el piano que Milicua tiene, traído para su hija Casilda. A última hora se dijo haber sido elegidos: Nº 1 D. Victoriano Balerdi; nº 2 D. Cipriano Rosaenz; nº 3 D.  José Lorenzo Martínez Olano” 

Badugu, beraz, Biktoriano Balerdi Arrasateko organo jole berria. Biktoriano Amezketan jaio zen, 1870eko urtarrilaren 13an eta Tolosan Gorritirekin ikasi zuen Madrilera aldatu aurretik. Gero  Madrileko Musika eta Deklamazioko Goi Eskolan, Manuel Mendizabal –paino- Rafael Hernando- armonia- eta Emilio Arrieta – konposaketa- izan zituen goi mailako irakasleak.

Hogeita bi urte bete berriak zituen, beraz,  Biktoriano Balerdik Arrasatera 1892ko apirilaren 5ean ailegatu zenean, lan postuaz jabetzeko. Berriz ere Miguel Madinabeitiarengana jo behar dut datu osagarrien bila. Arrasateko historialari, udal idazkari eta zenbait egunkaritako prentsa korrespontsalak , “La Voz de Guipúzcoa”ra honako idazkiñoa bidali zuen 1892ko apirilaren 11an: 

“El día 5 del actual tomó posesión de su cargo el nuevo organista de este pueblo D. Victoriano Balerdi, agraciado con el número 1 en los ejercicios de oposición. Tres días después, y casi sin tiempo material para la preparación, inauguró su honroso cargo de una manera brillante, en la función que, en otro tiempo la extinguida Escuela de Cristo, y hoy la Cofradía del Rosario dedica a la Virgen de los Dolores. 

Por la mañana se cantó en si bemol la misa de

Biktoriano Balerdiren partitura bat

Mercadante, la romanza sacra “María al pié de la Cruz”, de ferrer, y el “Benedictus” de Weber. Por la noche “Salve a cuatro voces” de Rementería, “Miserere” a cuatro de Eslava, el “Liberame” de Jiménez y el “¡Ay de mí!” de Zaragozano. Todo ello magistralmente interpretado por aficionados del pueblo, entre los que se distinguió el tenor Uriona, que siguiendo la carrera eclesiástica se hallaba a la sazón al dado de sus familiares, y a estas horas cantará en la catedral de Teruel. Contribuyó al mayor esplendor de estos cultos, la presencia de una imagen de la Dolorosa, regalo hecho a la Cofradía del Rosario por el hijo de este pueblo Fr. Juan de Arcaraso, general de los Carmelitas de la Nueva España en Lima, el año 1746”

Amaitu aurretik Biktoriano Balerdiri buruzko datu pare bat eman nahi dut. Oroitu behar dut, lehenik, organo joleren plaza irabazi aurrreko Miguel Madinabeitiaren desio hura “De los diez aspirantes puede resultar agraciado algún soltero que, andando el tiempo, pueda otorgar a una honrada hija de familia la única prebenda a que en el mundo aspira” Guztiz ez zuen asmatu, baina emaztetzat hartu zuen gazteak 1901ean – Ana Maria Urionabarrenetxa Uribetxebarria- Aretxabaletan zituen erro hurbilak. Horren harira, nire "Sebero Altube" liburuan (1979)anekdota bat kontatzen dut: Seberok jo zuen organoa Biktoriano eta Ana Mariaren ezkontzan, eta Altubek berak zioenez, Biktoriano Arrasatera iritsi zenetik bere irakaslea izan zen.

Arrasateko abizen berdinetako Pantaleon gozogilearen arreba zen Ana Maria. Eta bi seme-alaba izan zituen bikoteak: Maria eta Biktoriano, azken hau 1903ko abuztuaren 24an jaioa, non eta Erdiko Kaleko osaba Pantaleonen etxean. Zergatik? Garbi: Biktoriano Balerdi Urreta organo jolea 1903ko maiatzaren 9an hil zen Arrasaten (1), hots, semea jaio baino hiru hilabete lehenago. Heriotzaren arrazoia: nefritisa. Biktoriano Balerdi semeak medikuntza ikasi zuen Valladoliden eta badirudi berari ere musikak modu positiboan eragin ziola, Valladolideko  Unibertsitatearen tunaren zuzendaria izan baitzen, Espainiatik zehar bira batzuk egin zituztela.

Biktoriano Balerdi Urreta organo jolearen heriotzak hutsune bat utzi zuen parrokiako musika titularrari zegokionez. Behin behineko organo jole batzuen ostean, ordea, 1913an eta Jose Joakin Arin erretorearen eskutik Arrasatera iritsi zen Biktorianoren anaia gaztea: Prudentzio. Eta bera izango da organo jole ofiziala 1928an zendu arte.

Biktoriano Balerdi Urretaren  ibilbide musikala laburra izan zen, beraz.  Hala ere, zenbait obra konposatu zituen organorako eta horietako batzuk grabatuta izan dira diskotan. Bitez apunte hauek, euskal organo jole estimatu baten biografia osatzeko. Hain zuzen, Arrasatera etorri eta bertan zendu zen organo jole fina.

(1)Migel Madinabeitia 1903ko urtarrilaren 23an zendu zen, prostatisisak jota.

Aurreko artikulua:

https://txemax3.blogspot.com.es/2018/03/organo-jole-berria-arrasaten-1892.html

  

 

Argazkiak: JMVM, Mendia